MOURINHO AVUNJA UKIMYA "SITASTAAFIA SOKA MANCHESTER UNITED"..soma zaidi kwa undani

Getty Images

Mreno huyo amesema yeye bado ni kocha mwenye hofu, malengo na shauku ya kupata mafanikio na haamini kama inawezekana kudumu robo karne Old Trafford

Jose Mourinho amekiri kuwa hana malengo ya kubaki Manchester United muda wote anaotarajia kuwa kocha kwani anatamani kufundisha soka sehemu nyingi.

Mourinho mwenye umri wa miaka 54 amedai kuwa yupo tayari kusaini mkataba mpya wa muda mrefu Old Trafford baada ya kushinda mataji mawili katika kampeni zilizopita.

Kocha huyo ambaye ameshazinoa klabu tofauti-tofauti katika miaka 17 kama meneja, anaamini kuwa kudumu Old Trafford robo karne kama Sir Alex Ferguson ni jambo ambalo haliwezi kuwa na uhalisia.

"Jambo pekee ninaloweza kusema ni kwamba mimi bado ni kocha mwenye hofu, mwenye malengo, shauku ya kufanya mambo mapya," aliwaambia Telefoot. "Nina uhakika sitamaliza muda wangu hapa [Manchester] kama kocha."

Mourinho anakaribia kugawa nusu ya mkataba wake wa miaka mitatu aliosaini alipochukua mikoba ya Louis van Gaal Mei 2016.